ადიგენში შვიდი სოფელი დაისეტყვა

დღეს, 31 მაისს საღამოს ადიგენში შვიდი სოფელი: უდე, არალი, ვარხანი, შოლავერი, უნწა, სოფელი აბასთუმანი და ხევაშენი დაისეტყვა.
როგროც ადიგენის მუნიციპალიტეტში ამბობენ, სტიქიას ამ სოფლებში ინფრასტრუქტურა და სავარგულები მნიშვნელოვნად არ დაუზიანებია.

„მხოლოდ სოფელ აბასთუმანში ხევში, ხიდთან წყალი დაგუბდა ქვა–ღორღის გამო და ის გავწმინდეთ უკვე. ისე წვრილი სეტყვა იყო და ამიტომ არც სასოფლო სამეურნეო სავარგულები დაუზიანებია“, – ამბობს ადიგენის მუნიციპალიტეტის გამგეობის საზოგადოებასთან ურთიერთობის სამსახურის წარმომადგენელი ეთერ ლობჯანიძე.

მისი თქმით, გამგეობამ უკვე შვიდივე სოფელი შემოიარა: „სტიქიას პრობლემები არცერთ სოფელში არ შეუქმნია“.

[sknews.ge]