"7–8 სანტიმეტრზე დევს სეტყვა, ყველაფერი განადგურებულია"– ხეოთში დახმარებას ითხოვენ [Photos]

ძლიერი წვიმა და სეტყვა ხეოთში დღეს 31 მაისს დაახლოებით 17:00 საათზე დაიწყო და 20 წუთს გაგრძელდა.

"თოვლივით დევს, ხეებს ფოთლლებიც კი არ შეარჩინა, ყველაფერი გაანადგურა, არ ვიცით რა გვეშველება", – აცხადებენ ადგილობრივები.

გამგებლის წარმომადგენელი სოფელ ხეოთში ამბობს, რომ სტიქიამ მის საკრებულოში მხოლოდ ერთი სოფელი, ხეოთი დააზარალა.
ადგილობრივი თვითმმართველობის წარმომადგენლები სოფელში არსებულ მდგომარეობას ადგილზე გაეცნობიან.

"ტელეფონით ვესაუბრე გამგებელს, ავუხსენი სოფელში რა მდგომარეობაც იყო. ველოდები და ერთად წავალთ ხეოთში", – განაცხადა სატელეფონო საუბარში გამგებლის წარმომადგენელმა სოფელ ხეოთში ემზარ ოქრომელიძემ.

შეგახსენებთ, რომ დღეს 31 მაისს ძლიერი სეტყვა იყო ასპინძის მუნიციპალიტეტის სოფელ ზველსა და ჭობარეთშიც.













[თინათინ ზაზაძე, ახალციხე]