სოფელი ხეოთი დაისეტყვა [Photo]

სეტყვა ხეოთში დაახლოებით 17:00 საათზე დაიწყო და რამდენიმე წუთი გაგრძელდა.

"ახლა ჩამოვედი ხეოთიდან, სეტყვის გამო ინფრასტრუქტურული ზარალი არ გვაქვს, ცოტა ჭანჭური ჩამოყარა. სეტყვა წვრილი იყო და მნიშვნელოვანი ზარალი არ გვაქვს", – ამბობს ახალციხის მუნიციპალიტეტის მერის წარმომადგენელი სოფელ ხეოთში ემზარ ოქრომელიძე.

მისი თქმით, სეტყვა მხოლოდ ხეოთში იყო, მიმდებარე სოფლებში კი იწვიმა.

სოფელში სეტყვის ამსახველ ფოტოებს, სოციალურ ქსელში ადგილობრივები ავრცელებენ.

გარემოს ეროვნული სააგენტოს ინფორმაციით, ექვს სექტემბერს, დღის ბოლოდან, 10 სექტემბრამდე საქართველოში მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა, ქარის გაძლიერება, ზღვაზე 3 – 4 ბალიანი ღელვა.

მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალის დონის მატება ხოლო ქვეყნის მთიან ზონებში მეწყრულ - ღვარცოფული პროცესების ჩასახვა - გააქტიურება გამოიწვიოს.





[თინათინ ზაზაძე, ახალციხე]]