'მოდი ღამე მუზეუმში' – სამცხე–ჯავახეთის მუზეუმი აქციას უერთდება

„ახალციხის ციხეზე“ მდებარე სამცხე–ჯავახეთის ისტორიის მუზეუმი, საქართველოს კულტურისა და ძეგლთა დაცვის სამინისტროს ინიციატივას შეურთდა, რომლის მიხედვითაც 19 მაისს საქართველოს თითქმის ყველა მუზეუმი დამთვალიერებლებს ღამით უფასოდ მიიღებს. აქციის ფარგლებში, ვიზიტორები ახალციხეში მუზეუმის ყველა დარბაზის დათვალიერებას შეძლებენ.

ამავე საღამოს, „ახალციხის ციხეზე“ ახალციხის მუნიციპალიტეტის საჯარო სკოლების მოსწავლეები შემოქმედებით საღამოს გამართავენ. ახალგაზრდები „ვეფხისტყაოსნიდან“ ნაწყვეტებს წაიკითხავენ. ასევე, გაიმართება ახალციხის სამხატვრო სკოლის მოსწავლეების ნამუშევრების გამოფენა.

[მარიამ ბარძიმაძე, ახალციხე]