ახალციხეში ყვავილებს რგავენ

ახალციხის კეთილმოწყობის სამსახურის თანამშრომლებმა ქალაქის ქუჩებში ტაგეტესის, პეტუნის, ბეგონის და ზაფრანას ნერგები დარგეს.

„ყვავილებით გავალამაზეთ უკვე ქალაქის შემოსასვლელი, ცხრა აპრილის ხიდთან მდებარე წრიული, თამარ მეფის ძეგლის მიმდებარე ტერიტორიები“, – ამბობს კეთილმოწყობის სამსახურის უფროსი გიორგი ლონდარიძე.

მისი თქმით, ქალაქში სულ 1000 ყვავილის ნერგი დაირგო: „სხვა ქუჩებზეც ვაპირებთ ყვავილების დარგვას მაგრამ ამინდები გვიშლის ხელს“.
ყვავილების 1000 ნერგში კეთილმწოყობის სამსახურში 1 500 ლარი გადაიხადა.

[მარიამ ბარძიმაძე, ახალციხე ]