დღეს, დავით გასიტაშვილის დასახმარებლად, საქველმოქმედო სპექტაკლი გაიმართება

ამის შესახებ ინფორმაციას World Vision საქართველოს სამცხე-ჯავახეთის სამხარეო განვითარების პროგრამის ოფისი ავრცელებს:

„სამცხე-ჯავახეთის სამხარეო განვითარების პროგრამის ფარგლებში, სოფელ ურავლისა და სოფელ მუსხის სასკოლო კლუბები ოჯახური ძალადობის შესახებ სპექტაკლზე მუშაობენ. რამდენიმე დღეში კი გაიმართება სპექტაკლის პრემიერა.

ორგანიზატორების, სამცხე-ჯავახეთის სამხარეო განვითარების პროგრამის და ახალგაზრდების ინიციატივით, სპექტაკლიდან შემოსული თანხა მთლიანად ჩაერიცხება სოფელ რუსთავთან ავტოავარიის დროს დაზარალებულ, დავით გასიტაშვილის ოჯახს!

სპექტაკლი გაიმართება 1-ელ ივნისს, ბავშვთა დაცვის დღეს მესხეთის თეატრში!

ბილეთების შეძენა შესაძლებელია თეატრის სალაროში.

თუ ვინმეს სურს დაგვეხმაროს ბილეთების გავრცელებაში გამოგვეხმაუროს, ან მობრძანდეს World Vision საქართველო, სამცხე-ჯავახეთის სამხარეო განვითარების პროგრამის ოფისში, ახალციხე, სულხან-საბას #2“,- ნათქვამია ორგანიზაციის განცხადებაში.

სპექტაკლი მესხეთის თეატრში, 18:00 საათზე გაიმართება

შეგახსენებთ, რომ ავტოსაგზაო შემთხვევა შემთხვევა 7 მაისს სოფელ რუსთავთან მოხდა. ავარიისას სამი მამაკაცი დაშავდა. ერთ–ერთი მათგანი 24 წლის დავით გასიტაშვილია.

[sknews.ge]