საქველმოქმედო სპექტაკლი სრული დასწრებით და ანშლაგით

დღეს, 1 ივნისს ბავშვთა დაცვის საერთაშორისო დღესთან დაკავშირებით სოფელ ურავლისა და სოფელ მუსხის სასკოლო კლუბებმა ოჯახური ძალადობის შესახებ სპექტაკლი გამართეს. საქველმოქმედო კონცერტი მესხეთის სახელმწიფო თეატრში World Vision საქართველოს სამცხე-ჯავახეთის სამხარეო განვითარების პროგრამის ოფისის ორგანიზებით გაიმართა.

„540 ბილეთზე მეტი იყო და სულ გაიყიდა. რამდენიმე ორგანიზაციამ იყიდა, მათ შორის ადგილობრივმა თვითმმართველობამ და პოლიციამ. ვინაიდან ეს იყო საქველმოქმედო კონცერტი, დიდი გამოხმაურება მოყვა, პრემიერაზე არ მიდის ამდენი ხალხი, რაც დღეს იყო. დიდი მადლობა ყველას, ვინც თუნდაც ერთი ბილეთი იყიდა. სპექტაკლით ოჯახში ბავშვთა ძალადობის თემას გამოვეხმაურეთ“, – განაცხადა სამცხე–ჯავახეთის სამხარეო განვითარების პროგრამის კოორდინატორმა ნინო ლომიძემ.

ურავლისა და მუსხის სასკოლო კლუბებმა სპექტაკლისთვის მზადება სამი თვის წინ დაიწყეს.

„მარტიდან დავიწყეთ მუშაობა, საბოლოო ჯამში ყველაფერი შედგა და მივიღეთ ის შედეგი რაც დღეს თქვენ ნახეთ“, – ამბობს სპექტაკლის ერთ–ერთი მთავარი გმირი მირანდა გოქსაძე.

ნინო ლომიძის თქმით, თავიდან სპექტაკლი მაყურებლებისთვის უფასო უნდა ყოფილიყო, თუმცა გადაწყვეტილება დავით გასაიტაშვილის დახმარების მიზნით შეიცვალა. შეგახსენებთ, რომ 7 მაისს სოფელ რუსთავთან ავტოსაგზაო შემთხვევა მოხდა. ავარიისას სამი მამაკაცი დაშავდა. ერთ–ერთი მათგანი 24 წლის დავით გასიტაშვილია.

მათ ვისაც სურვილი აქვს, რომ დავით გასიტაშვილის ოჯახს დაეხმაროს, თანხა შეუძლია ბანკის საშუალებით გადარიცხოს,

საქართველოს ბანკი: GE03BG0000000313412800; მიმღები გიორგი გასიტაშვილი;

ან ტელეფონის ნომერზე დარეკოს:

ბილაინის აბონენტთათვის – 0901701282; ზარის ღირებულება 1 ლარია;






[თინათინ ზაზაძე, ახალციხე]