ასპინძის გამგეობაში გასაუბრება დღეს ჩატარდება

როგორც, ადგილობრივ თვითმმართველობაში აცხადებენ, გასაუბრება დღესვე დასრულდება–„16 ადამიანი, არ არის ბევრი, რომ ხვალაც გაგრძელდეს“.

საკონკურსო კომისიის წინაშე, პირველი ეტაპის შედეგად შერჩეული 16 კონკურსანტი წარსდგება. კონკურსანტებს განაცხადი 32 პოზიციაზე აქვს შეტანილი.

შეგახსენებთ, რომ გამგეობაში ვაკანტური 10 პოზიციაა. კონკურსი 18 აპრილს გამოცხადდა. 10 პოზიციაზე 51 განაცხადი შევიდა და ამ 51–დან მეორე ეტაპისთვის 32 განაცხადი შეარჩიეს.

კონკურსზე ყველაზე მეტი, 8 განაცხადი, სოფელ საროში და სოფელ ნიჯგორში გამგებლის წარმომადგენელის პოზიციაზეა შესული, ყველაზე ცოტა 2 განაცხადი კი რეზერვისა და მობილიზაციის საკითხებში, სამხედრო აღრიცხვისა და გაწვევის სამსახურის მთავარი სპეციალისტის პოზიციაზე.

[sknews.ge]