ასპინძაში გასაუბრებას ორი კონკურსანტი გაივლის

ასპინძის მუნიციპალიტეტის გამგეობაში კონკურსი 12 პოზიციაზეა გამოცხადებული. ტესტირებაზე გამოცხადებული 14 კონკურსანტიდან ყველა ჩაიჭრა. ხვალინდელ გასაუბრებაზე ის კონკურსანტები გამოცხადდებიან, რომლებმაც ტესტირება წინა კონკურსებზე ჩააბარეს.

გასაუბრება ასპინძის თვითმმართველობის შენობაში 13:00 საათზეა ჩანიშნული.

„ერთ კონკურსანტს ჭობარეთში გამგებლის წარმომადგენლის პოზიციაზე აქვს განაცხადი შემოტანილი, ხოლო მეორეს ხუთ პოზიციაზე. ესენია: გამგებლის წარმომადგენლი თმოგვში, ნაქალაქევსა და ფიაში, საროსა და ნიჯგორში, რუსთავსა და თმოგვში“ , – ამბობს ასპინძის მუნიციპალიტეტის გამგეობის ადმინისტრაციული სამსახურის უფროსი ანა ტივაძე.

შეგახსენებთ, რომ ასპინძის მუნიციპალიტეტის მიერ გამოცხადებულ საჯარო მოხელეთა შესარჩევ კონკურსში პირველ ეტაპზე 107 განაცხადი შევიდა, გადარჩევის შემდეგ საკონკურსო კომისიამ 92 განაცხადი შეარჩია. საბოლოოდ ტესტირებაზე 56 კონკურსანტი უნდა გამოცხადებულიყო, თუმცა 8 და 9 მაისს ჩანიშნულ ტესტირებაზე მხოლოდ 14 კონკორსანტი გამოცხადდა და 14–ვე ჩაიჭრა. 51–პროცენტიანი ბარიერი ვერცერთმა მათგანმა ვერ გადალახა.

საკონკურსო საატესტაციო კომისიამ გასაუბრება მხოლოდ ორი კონკურსანტისთვის ჩანიშნა.

ადგილობრივ თვითმმართველობაში შემდეგი პოზიციებია ვაკანტური:
სამხედრო აღრიცხვისა და გაწვევის სპეციალისტი მობილიზაციის საკითხებში;
გამგებლის წარმომადგენელი სოფელ ჭობარეთში;
გამგებლის წარმომადგენელი სოფელ ძველში;
გამგებლის წარმომადგენელი სოფელ თმოგვში;
გამგებლის წარმომადგენელი სოფელ ნაქალაქევსა და ფიაში;
გამგებლის წარმომადგენელი სოფელ ვარგავსა და თოკში;
გამგებლის წარმომადგენელი სოფელ საროსა და ნიჯგორში;
გამგებლის წარმომადგენელი სოფელ ხერთვისსა და გულსუნდაში;
გამგებლის წარმომადგენელი სოფელ რუსთავში;
გამგებლის წარმომადგენელი სოფელ იდუმალაში;
გამგებლის წარმომადგენელი სოფელ ოთაში;
გამგებლის წარმომადგენელი სოფელ ივერიაში.

გარდა აღნიშნულისა უახლოეს მომავალში გამგეობა კონკურსს საზოგადოებასთან ურთიერთობის სპეციალისტზეც გამოაცხადებს. აღნიშნული პოსტი რამდენიმე კვირაა რაც ვაკანტურია.

[თინათინ ზაზაძე, ასპინძა]