32 განაცხადი 10 პოზიციისთვის – ასპინძაში კონკურსის მომდევნო ეტაპი იწყება

როგორც ასპინძის გამგეობის ადმინისტრაციის სამსახურში განმარტავენ, 51 განაცხადიდან მეორე ეტაპზე 32 განაცხადი გადავიდა, რომელიც 16 კონკურსანტს ეკუთვნის. აპლიკანტებთან გასუბრება სავარაუდოდ მომავალ კვირაში ჩაინიშნება.

„დაწუნებულ აპლიკანტებს შეუძლიათ ჩვენი გადაწყვეტილება გაასაჩივრონ. ეს ვადა რომ ამოიწურება, ამის შემდეგ, სავარაუდოდ, შემდეგ კვირაში ჩავნიშნავთ გასაუბრებას“, – ამბობს ასპინძის გამგეობის ადმინისტრაციული სამსახურის უფროსი ანა ტივაძე.

შეგახსენებთ, რომ ასპინძის გამგეობაში საჯარო მოხელეთა კონკურსი 10 პოზიციაზე 18 აპრილს გამოცხადდა. გამგეობის ინფორმაციით, კონკურსზე ყველაზე მეტი, 8 განაცხადი, სოფელ საროში და სოფელ ნიჯგორში გამგებლის წარმომადგენელის პოზიციაზე შევიდა, ყველაზე ცოტა 2 განაცხადი კი რეზერვისა და მობილიზაციის საკითხებში, სამხედრო აღრიცხვისა და გაწვევის სამსახურის მთავარი სპეციალისტის პოზიციაზე.

[ლუბა გიორგაძე, ასპინძა]