ახალციხეში წყალსადენის შეწყვეტილი რეაბილიტაცია განახლდა [Photo]

ამ ეტაპზე სასმელი წყლის მილებით ქალაქის შიდა ქუჩების დაქსელვა მიმდინარეობს. როდის დასრულდება სამუშაოაები კომპანიაში ვერ აკონკრეტებენ.

შეგახსენებთ, რომ სარეაბილიტაციო სამუშაოები, მუნიციპალური ფონდის დაფინანსებით, კომპანიამ გასულ წელს დაიწყო. ”შინაშხარს” სამუშაოები რამდენიმე ეტაპად უნდა შეესრულებინა. პირველი ეტაპის დასრულების შემდეგ, თანხა ვერ მიიღო, ამიტომ გასული წლის შემოდგომით სამუშაოები შეჩერდა და ქალაქის არაერთი ქუჩა გადათხრილი დარჩა.

სამუშაოების გაგრძლების მოთხოვნით კომპანიასთან მოლაპარაკებებს ადგილობრვი ხელისუფლება მიმდინარე წლის დასაწყისიდან აწარმოებდა. ’შინაშხარი’ ახალციხეში ორი კვირის გამოჩნდა და შეწყვეტილი რეაბილიტაციაც განახლდა.

’წყალს მოსახლეობის ეზოებამდე და ბინებამდე მივიყვანთ, მერე თვითონ უნდა უზრუნველყონ შეყვანა. რაც გადავთხარეთ, სადაც ტრასა იყო, იქ ისევ დავაგებთ ტრასას, ზოგ ქუჩაზე მხოლოდ მიწას გავასწორებთ’, - გვითხრა სამუშოთა ზედამხედველმა მარტინ ასლანიანმა.

[ნუკა სტეფნაძე, ახალციხე]