ახალციხელებს პრეზიდენტის ფონდით შეცვლილ სახურავებს ხელახლა ურემონტებენ

თამარაშვილის #7-ში მცხოვრებლები ამბობენ, რომ ერთი კვირის წინ დაზიანებული სახურავის შესამოწმებლად, ამ დილით, სამცხე-ჯავახეთის სამხარეო ადმინისტრაციის წარმომადგენლები მივიდნენ.

”დილით იყნენ მოსულები გუბერნიიდან ამ ხელოსნებთან ერთად და იმის მერე დაიწყეს სახურავის შეკეთება. ამ სახურავს კი შეაკეთებენ , მაგრამ ჩვენს დაზიანებულ რემონტს ვინ მიხედავს?”- ამბობს კარინა პეტროსიანი.

ახალციხის მრავალბინიას საცხოვრებელ სახლებში სახურავები კომპანია ”ნიუ ენერჯიმ” შეაკეთა.

”ხელშეკრულებაში გვიწერია, თუ ერთი წლის განმავლობაში დაზიანდება სახურავი, ჩვენ უნდა შევაკეთოთ, თუ რა თქმა უნდა ეს სახურავები სპეციალურად არ დაზიანდა”, - გვითხრა კომპანია ”ნიუ ენერჯის” წარმომადგენელმა.

შეგახსენებთ, გასულ კვირას, წვიმიან დღეებში, დაზიანებული სახურავებიდან ადგილობრივებს წვიმა სახლებში ჩაუვიდათ.

[ნუკა სტეფნაძე, ახალციხე]