ასპინძაში საჯარო მოხელეთა შესარჩევი კონკურსის პირველი ეტაპი დასრულდა

ასპინძის გამგეობამ საჯარო მოხელეთა შესარჩევი კონკურსი 12 პოზიციაზე გამოაცხადა:

სამხედრო აღრიცხვისა და გაწვევის სპეციალისტი მობილიზაციის საკითხებში;
გამგებლის წარმომადგენელი სოფელ ჭობარეთში;
გამგებლის წარმომადგენელი სოფელ ძველში;
გამგებლის წარმომადგენელი სოფელ თმოგვში;
გამგებლის წარმომადგენელი სოფელ ნაქალაქევსა და ფიაში;
გამგებლის წარმომადგენელი სოფელ ვარგავსა და თოკში;
გამგებლის წარმომადგენელი სოფელ საროსა და ნიჯგორში;
გამგებლის წარმომადგენელი სოფელ ხერთვისსა და გულსუნდაში;
გამგებლის წარმომადგენელი სოფელ რუსთავში;
გამგებლის წარმომადგენელი სოფელ იდუმალაში;
გამგებლის წარმომადგენელი სოფელ ოთაში;
გამგებლის წარმომადგენელი სოფელ ივერიაში.

პირველ ეტაპზე ადგილობრივ თვითმმართველობაში 107 განაცხადი შევიდა, მათგან 92 დაკმაყოფილდა.

"საბუთების გადარჩევის ეტაპი დასრულებულია, თითო პიროვნებას რამდენიმე განაცხადი ჰქონდა შემოტანილი. ახლა უნდა გადაწყდეს რომელი ცენტრი ჩატარებს ტესტირებას, ამიტომ თარიღი წინასწარ არ ვიცით“, – განმარტავს ასპინძის გამგეობის ადმინისტრაციული სამსახურის უფროსი ანა ტივაძე.

2016 წელს ასპინძის მუნიციპალიტეტში საჯარო მოხელეთა შესარჩევი კონკურსი პირველად ტარდება.

[თაკო ფეიქრიშვილი, ასპინძა]