ქართველმა მესაზღვრეებმა რუსი ბაიკერები საქართველოში არ შემოუშვეს

შს მინისტრის მოადგილის განცხადებით, მესაზღვრეს აქვს უფლება კანონის საფუძველზე მიიღოს გადაწყვეტილება უცხოელთა საქართველოში შემოსვლასა და გასვლასთან დაკავშირებით:"მესაზღვრეს აქვს დისკრეცია რომ გამოკითხოს ვინაობა მგზავრობის მიზანი და სხვა ინფორმაცია და ამის შესაბამისად მიიღოს გადაწყვეტილება. ამ ნორმაზე დაყრდნობით მიიღო გადაწყვეტილება."

ღამის მგლები კრემლთან დაახლოებული კლუბია, რომელსაც ვლადიმერ პუტინთან მჭიდრო კავშირები აქვს.

სოციალური ქსელში რამდენიმე დღის წინ გავრცელდა პეტიცია სახელწოდებით – „არ შემოვუშვათ კრემლის მოტოციკლისტები საქართველოში“.

"ცნობილია რომ ამა წლის 9 მაისისთვის კრემლის ხელისუფლებასთან აფილირებული და ევროპის ქვეყნებში non-grata-დ გამოცხადებული მოტოციკლისტთა ჯგუფი, "ღამის მგლები", აპირებს საქართველოს საზღვრის გადმოკვეთას და, ადგილობრივ პროპუტინურ ძალებთან ერთად, თბილისში ვაკის პარკში აქციის მოწყობას. მოვითხოვთ, რომ საქართველოს სახელმწიფომ მკაფიოდ აჩვენოს ყველას, რომ ის ჩვენი ქვეყნის ინტერესების და ღირსების სადარაჯოზე დგას და არ დაუშვებს ამ ჯგუფის საქართველოში შემოსვლას", – ნათქვამია პეტიციაში, რომელსაც მაისის 11:40 საათის მონაცემებით, 3317 ხელმოწერა აქვს.

[sknews.ge]