ახალციხეში ორდღიანი ავტო შოუ სრულდება

ვისოლ ჯგუფთან და „ნატახტართან“ ერთად ჯითი მოტორსმა ავტო შოუ: Ford Focus, Suzuki SX4 გამართა. ნებისმიერ მსურველს შესაძლებლობა ჰქონდა დაეტესტა Ford Explorer, Ford Custom. ასევე მოეწყო ფოტოსესია მოდელთან და შეჯიბრი ლუდის სმაში.

-„ნებისმიერ მსურველს შეეძლო მიეღო მონაწილეობა ტესტ დრაივში და ავტომობილები თავად გამოეცადა“, - ამბობს ჯითი მოტორსის მენეჯერი მერაბ ჭანუყვაძე.

მისი თქმით, შოუმ ადგილობრივების დიდი ინტერესი გამოიწვია: „მოწვეულ სტუმრებთან ერთად ღონისძიებას ბევრი ადგილობრივი ესწრებოდა“.

ჯითი მოტორსმა დედაქალაქის შემდეგ პირველი ავტო შოუ ახალციხეში მოაწყო. ჭანუყვაძე აცხადებს, რომ დაინტერესების შემთხვევაში სხვა რეგიონებსაც ეწვევიან.

ავტო შოუ გუშინ 11:00 საათზე დაიწყო და ის დღეს,ერთ საათში დასრულდება.

[თამუნა უჩიძე, ახალციხე]