'ჰაკათონის' მონაწილე გუნდი ახალციხიდან 'ენერგო–პრო ჯორჯიას'ფავორიტი გახდა

|
მარიამ სააკიანი და ნატალი კაპანაძე, რომელთა გუნდებმაც „ჰაკათონში“ გაიმარჯვეს.

სტუდენტებმა კონკურსზე წარადგინეს „ულტრაბგერითი სამაჯური უსინათლოთათვის“, რომლის მეშვეობით უსინათლო პირი შეძლებს, მინიატურული ვიბროძრავების მეშვეობით შეიგრძნოს, თუ რა მანძილითაა დაშორებული სასურველი დანიშნულების წერტილიდან და რა მიმართულებით უნდა იმოძრაოს რომ უმოკლესი მანძილის გავლით მივიდეს სასურველ ლოკაციამდე, კონკრეტულ შენობაში (მაგ. საგანმანათლებლო დაწესებულებაში).

გუნდი ულტრაბგერითი სამაჯურის იდეასა და მის პროტოტიპზე დაახლოებით ერთი თვის განმავლობაში მუშაობდა. ეს ჯილდო მათ საშუალებას აძლევს ინოვაცია დახვეწონ და მისი რეალიზება შეძლონ.

"პროფესიული განათლების პოპულარიზაციის კუთხით, აღნიშნული პროექტი იყო ერთერთი იმ მრავალრიცხოვან პროექტთაგანი, რომელსაც მხარი დაუჭირა სს „ენერგო-პრო ჯორჯიამ“. ზოგადად, ენერგეტიკის დარგში პროფესიული განათლების ხელშეწყობის მიზნით, სს „ენერგო-პრო ჯორჯია“ აქტიურად თანამშრომლობს საქართველოს განათლებისა და მეცნიერების სამინისტროსთან, განათლების ხარისხის განვითარების ეროვნულ ცენტრთან და საქართველოში არსებულ პროფესიულ საგანმანათლებლო დაწესებულებებთან", – აცხადებენ კომპანიაში.

შეგახსენებთ, ე.წ. „ჰაკათონი" წელს პირველად ჩატარდა. ეს არის კონკურსი, რომლის ფარგლებში, პროფესიული სასწავლებლების სტუდენტებმა, საკუთარი ინოვაციური და მაღალტექნოლოგიური იდეის პროტოტიპები შექმნეს. კონკურსში ახალციხიდან, კოლეჯ "ოპიზარის" სტუდენტების გუნდები მონაწილეობდნენ. ჰაკათონის დასკვნით ეტაპზე 9 გუნდი გადავიდა, მათ შორის, ორი ახალციხიდან: გუნდი „პანაცეა“ – „მოწყობილობა შშმ პირებისთვის“ და გუნდი „ეკო“ – „სამკურნალო მცენარეების საშრობი აპარატი“.

გამარჯვებული გუნდის წარმომადგენლები, იყვნენ მიმდინარე კვირაში "სამხრეთის კარიბჭეს" ახალგაზრდული გადაცემის, "თაობა მაXიმუმის" სტუმრები.

გადაცემის ჩანაწერი შეგიძლიათ იხილოთ ამ ბმულზე.

[sknews.ge]