ახალციხის მერიის ახალმა თანამშრომლებმა მუშაობა დაიწყეს

დღეიდან მუშაობას შეუდგა ათი თანამშრომელი, ამათგან ერთი, ჯერ მოვალეობის შემსრულებელია. ოფიციალურად როდის დაინიშნება ეკონომიკის დაგეგმვის, სტატისტიკისა და მუნიციპალური ქონების აღრიცხვისა და მართვის განყოფილების უფროსის პოზიციაზე შერჩეული ვლადიმერ ნათენაძე, რომელიც აქამდე ააიპ „მერიის მდგრადი განვითარების სააგენტოს“ ხელმძღვანელობდა, ჯერ კიდევ არ არის ცნობილი.

საჯარო მოხელეთა შესარჩევი კონკურსის მიმდინარეობის პროცესში, არცერთი განაცხადი არ შევიდა, შესყიდვების განყოფილების უფროსის პოზიციაზე. თუმცა, მერმა ამ პოზიციაზე დროებით მოვალეობის შემსრულებლად, გოგა დიაკონაშვილი დანიშნა. იგი კონკურსში მონაწილეობდა, თუმცა, განაცხადი სხვა პოზიციაზე ჰქონდა შეტანილი.

ამ პოზიციის გარდა, მერიაში ვაკანტური რჩება არქიტექტურის საკითხებში მთავარი სპეციალისტისა და სივრცითი მოწყობის და არქიტექტურის განყოფილების უფროსის პოზიციები. როდის გამოცხადდება აღნიშნულ პოზიციებზე ვაკანსია, ამ დროისათვის უცნობია.

შეგახსენებთ, რომ ახალციხის მერიაში საჯარო მოხელეთა შესარჩევი კონკურსი 13 ვაკანსიაზე მარტში გამოცხადდა. კონკურსის ორი ეტაპის გავლის შემდეგ თანამშრომლები ოფიციალურად გასულ კვირას დაინიშნენ.

შერჩეული თანამშრომლები:

სპეციალისტი მატერიალურ–ტექნიკურ საკითხებში – ივანე აღოშაშვილი;

მთავარი სპეციალისტი საქმისწარმოების საკითხებში – ინგა ჩოჩია;

ეკონომიკის დაგეგმვის, სტატისტიკისა და მუნიციპალური ქონების აღრიცხვისა და მართვის განყოფილების უფროსი – ვლადიმერ ნათენაძე, რომლის თაობაზეც დანიშვნის ბრძანება არ დაწერილა;

უფროსი სპეციალისტი მშენებლობის ზედამხედველობის საკითხებში – რუდოლფ კაზდანიანი;

საზოგადოებასთან ურთიერთობის განყოფილების უფროსი – ნინო ბლუაშვილი;

მუნიციპალური ზედამხედველობის განყოფილების უფროსი – ვასილ ობოლაშვილი;

მთავარი სპეციალისტი საქმისწარმოების და კადრების საკითხებში – ნანული გელაშვილი;

მთავრი სპეციალისტი იურიდიულ საკითხებში – თინათინ ბარძიმაძე;

მთავარი სპეციალისტი მონიტორინგის, შიდა კონტროლის საკითხებში – მანანა მოდებაძე;

ბუღალტრული აღრიცხვის განყოფილების უფროსი – სულიკო მაღრაძე;

[SKNEWS.GE]