ფრედ დასრულებული პირველი საშინაო მატჩი

საქართველოს პირველობის რეგიონალური ლიგის „გ“–ე ჯგუფის მეოთხე ტურის შეხვედრა დასაწყისიდანვე დაძაბული იყო. საქართველოს უნივერსიტეტის გუნდი შეტევაზე გადავიდა და პირველი ბურთიც შეაგდო კარებში, თუმცა მესხეთმა ანგარიში მალევე გაათანაბრა.

თამაშის ორივე ტაიმიის განმავლობაში ფეხბურთელები უპირატესობის მოპოვებას ცდილობდნენ და ბევრჯერ შექმნილი საგოლე მომენტების მიუხედავად, საბოლოოდ ანგარიში ფრედ – 1:1 დასრულდა.

„მოგება გვინდოდა, რა თქმა უნდა, მაგრამ მოწინააღმდეგეც ძლიერი იყო“, – ამბობს „მესხეთის“ მოთამაშე ალექსი მაისურაძე.

ეს მესხეთის პირველი საშინაო მატჩი იყო. წინა სამი თამაში გუნდმა არასახარბიელო შედეგით დაასრულა.

როგორც „მესხეთის“ მწვრთნელი გელა მაისურაძე ამბობს, ელოდა, რომ 3 ქულას მიანც მოიპოვებდნენ: „ბიჭები შეუპოვრად იბრძოდნენ, მაგრამ მაინც ფრედ დასრულდა“.

ამ თამაშით ორივე გუნდმა მხოლოდ თითო ქულა ჩაიწერა. ორივე გუნდი ჩემპიონატის ბოლო ადგილზე იმყოფება. მხოლოდ მომავალი მატჩები აჩვენებს , რომელი გუნდი დატოვებს რეგიონალურ ლიგას. საქართველოს პირველობის რეგიონალურ ლიგაში 22 შეხვედრა გაიმართება.

„მესხეთს“ მომავალი თამაში 21 აპრილს, თბილისში აქვს. „მესხეთი“ თბილისის „ლოკომოტივს“ შეხვდება.

[მარიამ ბარძიმაძე, ახალციხე]