ახალციხის ‘სამცხემ’ ახალქალაქის ‘აბულთან’ ფრედ ითამაშა

„არ იყო მარტივი თამაში, აბულიც ძლიერი გუნდია, ხან ჩვენ ვჯობდით, ხან ისინი“ - გვითხრა სამცხეს მწვრთნელმა ზიგმუნდ ზილბერშტეინმა.

შემდეგი თამაში გუნდს 14 ოქტომბერს თბილისის „თბილისთან“ აქვს. თუმცა ჯერჯერობით ადგილი, სადაც შეხვედრა გაიმართება უცნობია, რადგან 16 სექტემბერს ახალციხის სტადიონზე საფეხბურთო კლუბ „ლიახვთან“ გამართულ შეხვედრაზე, მომხდარი ინციდენტის გამო, სადისციპლინო ტექნიკურმა კომისიამ სტადიონს დისკვალიფიკაცია მისცა.

„პატარა ინციდენტი იყო, მაყურებელს თამაშის დროს ეკრძალება სტადიონზე შემოსვლა და მაინც შემოვიდნენ. მხოლოდ ერთი თამაშის დისკვალიფიკაცია მოგვცეს. 14-ში თამაში სავარაუდოდ აწყურის სტადიონზე გაიმართება“, - ამბობს ზილბერშტეინი.

საფეხბურთო მატჩები საქართველოს ჩემპიონატის რეგიონული ლიგის თამაშების ფარგლებში იმართება. "სამცხე" სატურინირო ცხრილში მეორე ადგილს იკავებს.

[მარიამ ბარძიმაძე]