სოფელ კლდესთან საძოვარი იწვის

როგორც გამგებლის წარმომადგენელი სოფელ კლდეში ვლადიმერ კურტანიძე ამბობს, საძოვრებს ცეცხლი დღეს, 3 აპრილს, სავარაუდოდ, ნახევარი საათის წინ, 16:00 საათზე, მოეკიდა: „ცოტა ხანი იქნება, კვამლი დავინახე და ამოვედი. სახანძრო გამოვიძახე, მოვლენ ჩასაქრობად, ეს ტერიტორია ერთი ჰექტარი არ იქნება“.

მისივე თქმით, ადგილი, სადაც ახლა ხანძარია, სოფლის დასახლებული ტერიტორიიდან ორი კილომეტრითაა დაშორებული.

რას შეიძლება გამოეწვია ხანძარი, რწმუნებულმა არ იცის, –„ვერ გეტყვით, შეიძლება ვინმემ გაიარა და სიგარეტი გადააგდო“.

შეგახსენებთ, რომ ბოლო რამდენიმე დღეა, მინდვრებსა და საძოვრებზე ხანძრის შემთხვევები გახშირდა. სოფლებში ამას საგაზაფხულო სამუშაოებს, ასევე, დაუდევრობას უკავშირებენ. ამ წუთებში ხანარია სოფელ წინუბანშიც, თუმცა, ამის შესახებ ჯერ სახანძრო სამსახურში შეტყობინება არაა შესული.

[sknews.ge]