სოფელ საყუნეთის სათიბებს ცეცხლი უკიდია

სათიბების რა ფართობს უკიდია ცეცხლი, გამგებლის წარმომადგენელი გრიგოლ ღამბაშიძე ზუსტად ვერ აკონკრეტებს. მისივე თქმით, სახანძრო ბრიგადა უკვე ადგილზეა და ცეცხლს აქრობს.

„მე გამოვუძახე სახანძროს, არ ვიცი ზუსტად რა ტერიტოორიაა, ძნელად მისადგომი ადგილია და ახლოს ვერ მივდივართ. ეგ ტერიტორია საყუნეთის სათიბებია და ახლოს ბუჩქნარიც არის“–ამბობს გრიგოლ ღამბაშიძე.

რას შეიძლება გამოეწვია ხანძარი რწმუნებულმა არ იცის, თუმცა ამბობს, რომ ბოლო ერთი კვირის განმავლობაში, ეს უკვე მესამე შემთხვევაა, როდესაც მინდორში ხანძრის გამო, მას სახანძრო ბრიგადის გამოძახება მოუხდა.

„ ეს პირველი შრემთხვევა არ არის, შეიძლება მწყემსები რომ დადიან, მოკიდებულ სიგარეტს აგდებენ და მერე ცეცხლი ჩნდება, ზუსტად ვერ გეტყვით“–ამბობს გრიგოლ ღამბაშიძე.

[sknews.ge]