გამგეობა ახალ თანამშრომლებს 64 კონკურსანტიდან შეარჩევს

გამგეობაში ახალი თანამშრომლების შესარჩევად გასაუბრების პროცესი სამი დღის განმავლობაში მიმდინარეობდა და გუშინ, 29 მარტს დასრულდა.
მეორე ეტაპზე გადასული 110 კონკურსანტიდან, საკონკურსო კომიისიის წინაშე მხოლოდ 64 მათგანი გამოცხადდა.

როდის მიიღებს საბოლოო გადაწყვეტილებას გამგეობის საკონკურსო კომისია, ზუსტი თარიღი უცნობია. როგორც თვითმმართველობაში განმარტავენ, კონკურსანტებს საბოლოო შედეგები გადაწყვეტილების მიღებიდან 5 დღის ვადაში ეცნობებათ.

შეგახსენებთ, რომ ახალციხის მუნიციპალიტეტის გამგეობაში, საჯარო მოხელეთა კონკურსი 18 პოზიციაზეა გამოცხადებული. კონკურსზე 148 განმცხადებლის 246 განაცხადი შევიდა. აქედან პირველი ეტაპი 45–მა ვერ გადალახა.

[ლუბა გიორგაძე, ახალციხე]