ადიგენის გამგეობაში გასაუბრება 29 კონკურსანტმა გაიარა

ადიგენის მუნიციპალიტეტის გამგეობაში საჯარო მოხელეთა შესარჩევი კონკურსის მესამე ეტაპი დასრულდა და კონკურსანტები საბოლოო გადაწყვეტილებას ელიან. გასაუბრება თვითმმართველობაში 15 მარტს მთელი დღის განმავლობაში მიმდინარეობდა.

როგორც ადიგენის მუნიციპალიტეტის გამგეობის ადმინისტრაციის სამსახურში განმარტავენ, ბოლო ეტაპზე ტესტირება გავლილი 35 კონკურსანტიდან 29 გამოცხადდა. საკონკურსო კომისიას კი ჯერ გადაწყვეტილება არ მიუღია.

„გამგებელი მივლინებაშია და კომისია ვერ შეიკრიბა, ალბათ მომდევნო კვირაში გადაწყდება ყველაფერი“, – განგვიმარტეს ადიგენის
მუნიციპალიტეტის გამგეობის ადმინისტრაციის სამსახურში.

შეგახსენებთ, ადიგენის მუნიციპალიტეტის გამგეობაში, საჯარო მოხელეთა კონკურსი 7 პოზიციაზე 17 თებერვალს გამოცხადდა.

[ლუბა გიორგაძე, ადიგენი]