ახალციხეში ადგილობრივებს უვიზო მიმოსვლის წესები გააცნეს

შეხვედრა სტუდენტებთან

დღეს, 22 მარტს შერიგებისა და სამოქალაქო თანასწორობის საკითხებში სახელმწიფო მინისტრის მოადგილემ პეტრე კანკავამ და ექსპერტმა გოგიტა ღვედიშვილმა ევროკავშირში უვიზო მიმოსვლის საკითხებზე, ასევე საქართველო-ევროკავშირის თანამშრომლობაზე, ახალციხეში ორი შეხვედრა გამართეს.

„უვიზო მიმოსვლის შეთანხმება 28 მარტს შედის ძალაში. საქართველოს მოქალაქეებს, მათ, ვისაც ბიომეტრიული პასპორტი აქვთ, შეუძლიათ იმოგზაურონ ევროკავშირის წევრ ქვეყნებში, ასევე ასპირანტ ქვეყნებსა და არაწევრ შენგენის ქვეყნებში. აქედან გამომდინარე, სწორი ინფორმაციის მიწოდება ძალიან მნიშვნელოვანია“, – განაცხადა პეტრე კანკავამ

მისივე თქმით, მნიშვნელოვანია საქართველოს მოქალაქემ, რომელიც მოგზაურობას გეგმავს, იცოდეს რა საბუთებია საჭირო ევროკავშირში უვიზო მომისვლისთვის, რა დაბრკოლებები შეიძლება შეექმნას და რა უნდა გავითვალიწინოს წინასწარ: „ეს არის ქვეყნის წარმატება და შესაბამისად, ყველასთვის ხელმისაწვდომია, მათ შორის სტუდენტებისთვის. მნიშვნელოვანია იცოდნენ, რომ ეს არ ეხება გრძელვადიან სწავლებას და იქ მუშაობას. თუმცა არსებობს გაცვლითი პროგრამები, რომლითაც შეუძლიათ ისარგებლონ 90 დღის ვადაში“.


შეხვედრა ადგიილობირივი თვითმმართველობის წევრებთან

მინისტრის მოადგილის განმარტებით, ადგილობრვებს უვიზო მიმოსვლასთან დაკავშირებით ტექნიკური ხასიათის კითხვები აქვთ. ასევე აინტერესებთ უცხო ენის არცოდნის შემთხვევაში პრობლემები ხომ არ შეექმნებათ.

„მათ შეუძლიათ საზღვარზე მოითხოვონ თარჯიმანი, არსებობს ცხელი ხაზიც. ყველა ქვეყანაში გვაქვს საკონსულოები. ქვეყანაში არშეშვების შემთხვევაში, მოქალაქეს მისცემენ ფორმას, სადაც ეწერება მიზეზი. ერთხელ არშეშვება არ ნიშნავს, რომ საერთოდ არ შეუშვებენ. მოქალაქეს ეძლევა შანსი გამოასწოროს ესა თუ ის შეცდომა, მაგალითად, თანხის ან სანდო ჯავშანის არ ქონა“, – განმარტავს პეტრე კანკავა.

მინისტრის მოადგილე იმედოვნებს, რომ მოქალაქეები პატივს სცემენ უვიზო მიმოსვლასთან დაკავშირებულ შეთანხმებას.

„კარგად უნდა ვხვდებოდეთ,რომ ჩვენი დღევანდელი საქციელი, რამდენად კარგად მოვიქცევით და რამდენად ვცემთ პატივს ამ შეთანხმებას არის გარანტია იმისა, რომ არამარტო ის ადამიანები ისარგებლებენ იმ სიკეთეებით, ვინც პირველ ნაკადად გაემგზავრება, არამედ საქართველოს ყველა მოქალქეს შეეძლება მრავალჯერ იმოგზაუროს. მე ვფიქრობ ეს ჩვენი ვალია და არ უნდა დავუკარგოთ ამის საშუალება დანარჩენებს“, – ამბობს პეტრე კანკავა.

შეხვედრა აქართველო-ევროკავშირის საინფორმაციო კამპანიის ფარლებში გაიმართა. კამპანია რამდენიმე ეტაპს ითვალისწინებს: საინფორმაციო შეხვედრებს რეგიონებში, ვიდეო-რგოლებისა და მინი-ფილმების ჩვენებას, კონკურსის "გა-მოხატე ევროპა" მიმდინარეობას. კამპანიის მიზანი ევროკავშირისა და საქართველოს ურთიერთობების, ასევე საქართველოსთვის გახსნილი ახალი შესაძლებლობების შესახებ საზოგადოების ინფორმირებაა. საინფორმაციო კამპანია მაისის ბოლომდე გაგრძელდება და ის მთელ საქართველოს მოიცავს.

[თინათინ ზაზაძე, ახალციხე]