არაოფიციალური ღია ჩემპიონატი ბილიარდში

ჩემპიონატის მონაწილე. ფოტო: © ბექა გასიტაშვილი


ჩემპიონატი დღეს, 18 მარტს, დილიდან დაიწყო და გვიან საღამომდე გაგრძლდება.

როგორც მისი ორგანიზატორი რომან მაისურაძე გვიხსნის, ჩემპიონატი ოლიმპიური სისტემით ტარდება, ეს ნიშნავს, რომ მონაწილეები ინდივიდუალურად იბრძვიან გამარჯვებისთვის.

ახალციხემდე ტურნირები ახალქალაქსა და ნინოწმინდაში გაიმართა. დღევანდელ, რეგიონულ ტურნირს 14 მოანაწილე ჰყავს და მათგან სამი გამარჯვებული უნდა გამოვლინდეს. რომან მაისურაძის თქმით, გამარჯვებულები ფულად ჯილდოს მიიღებენ: I ადგილი – 400 ლარია, II – 200, III კი სამასი. თანხა კერძო შემოწირულობებით შეგროვდა.

ტურნირი ამჯერად არაოფიციალურია, ვინაიდან, ახალციხეში ჯერ ოფიციალურად საბილიარდო ფედერაციის ფილიალი არ არსებობს. რომან მაისურაძე ამბობს, რომ ფილიალის დაარსებაზე საუბარი უკვე მიმდინარეობს და სავარაუდოდ, მიმდინარე წლის ზაფხულიდან, ოფიციალური სტატუსი ექნებათ. ამის შემდეგ კი დაიწყებენ დაფინანსების მოძიებასაც.

დღევანდელი ტურნირი ახალციხეში, კერძო საბილიარდო კლუბში ტარდება. კლუბი ორმა ახალგაზრდამ, არმენ წარუკიანმა და კარაპეტ კარაპეტიანმა, დაახლოებით, 5 თვის წინ გახსნეს. დღეს მათ ტურნირის მონაწილეებს ფართი უსასყიდლოდ დაუთმეს. სხვა დღეებში კი აქ შესვლა ფასიანია, საერთო დარბაზი ერთი საათი 10 ლარი ღირს; შენობაში არის ერთი კუპეც, სადაც ერთი საათის ღირებულება 12 ლარია.


ჩემპიონატის მონაწილე. ფოტო: © ბექა გასიტაშვილი


ჩემპიონატი.. ფოტო: © ბექა გასიტაშვილი


ჩემპიონატის მონაწილე. ფოტო: © ბექა გასიტაშვილი


ჩემპიონატი. ფოტო: © ბექა გასიტაშვილი

[ნინო ნარიმანიშვილი, ახალციხე]