ბილიარდის ჩემპიონატის შედეგები

შედეგები ასეთია:

I ადგილი – თორნიკე ჭალიძე;
II ადგილი – თენგიზ ქიმერიძე;
III ადგილი – ალბერტ ნახატაკიანი.

შეჯიბრის ორგანიზატორის რომან მაისურაძის თქმით, ჩემპიონატი გვიან ღამემდე მიმდინარეობდა:"ღამე, 01:00 საათზე დასრულდა. ყველაფერმა ძალიან კარგად ჩაიარა, შესანიშნავი ტურნირი იყო".

შეგახსენებთ, გუშინ, ახალციხეში, ბილიარდში არაოფიციალური ღია ჩემპიონატი გაიმართა, რომელშიც მონაწილეობდნენ ახალგაზრდები ახალციხიდან, ახალქალაქიდან და ნინოწმინდიდან. რეგიონულ ტურნირს 14 მოანაწილე ჰყავდა. უნდა გამოვვლენილიყო სამი გამარჯვებული და ისნი მიიღებდნენ ფულად ჯილდოს: I ადგილი – 400 ლარია, II – 200, III კი სამასი.

ტურნირი არაოფიციალური იყო, ვინაიდან, ახალციხეში ჯერ ოფიციალურად საბილიარდო ფედერაციის ფილიალი არ არსებობს. რომან მაისურაძე ამბობს, რომ ფილიალის დაარსებაზე საუბარი უკვე მიმდინარეობს და სავარაუდოდ, მიმდინარე წლის ზაფხულიდან, ოფიციალური სტატუსი ექნებათ. ამის შემდეგ კი დაიწყებენ დაფინანსების მოძიებასაც.

დღევანდელი ტურნირი ახალციხეში, კერძო საბილიარდო კლუბში ჩატარდა. კლუბი ორმა ახალგაზრდამ, არმენ წარუკიანმა და კარაპეტ კარაპეტიანმა, დაახლოებით, 5 თვის წინ გახსნეს. დღეს მათ ტურნირის მონაწილეებს ფართი უსასყიდლოდ დაუთმეს. სხვა დღეებში კი აქ შესვლა ფასიანია, საერთო დარბაზი ერთი საათი 10 ლარი ღირს; შენობაში არის ერთი კუპეც, სადაც ერთი საათის ღირებულება 12 ლარია.

[ნინო ნარიმანიშვილი, ახალციხე]