ახალციხელი ბექა ბერძენიშვილი საქართველოს 2018 წლის ფალავანი გახდა

პირველი არხის ფოტო
საქართველოს აბსოლუტური ფალავნობა გუშინ, 15 დეკემებრს გაიმართა. საქართველოს ფალავანს 35 000 ლარი გადაეცა.

„ძლიერი მოწინააღმდეგეები მყავდა და სიმართლე გითხრათ, ვერც წარმოვიდგენდი, საქართველოს ფალავანი თუ გავხდებოდი. ემოციებისგან დაცლილი და უზომოდ გახარებული ვარ. კარგია, რომ ასეთი ფულადი ჯილდო მივიღე, მაგრამ ჩემთვის საქართველოს ფალავნობა უფრო ძვირფასია” – განაცხადა პირველ არხთან ბექა ბერძენიშვილმა.

შეგახსენებთ, რომ ბექა ბერძენიშვილი ამავე დროს მსოფლიოს ვიცე–ჩემპიონია. მან 11 ნოემბერს სამბოში მსოფლიო ჩემპიონატის მესამე დღეს, +100 კგ წონით კატეგორიაში ვერცხლის მედალი მოიპოვა.

ბექა ბერძენიშვილი ახალციხის მუნიციპალიტეტის სოფელ წინუბნიდან არის.

[sknews.ge]