ადიგენში საჯარო მოხელეთა კონკურსის მესამე ეტაპი იწყება

როგორც ადიგენის მუნიციპალიტეტის გამგეობაში განმარტავენ, საკონკურსო კომისია, რომელსაც გამგებელი ზაქარია ენდელაძე ხელმძღვანელობს, აპლიკანტებისათვის გასუბრების პროცესს, ხვალ 10:00 საათიდან დაიწყებს.

რამდენ ხანს გაგრძელდება კონკურსის მესამე ეტაპი, ჯერ უცნობია.

შეგახსენებთ, რომ ადიგენის მუნიციპალიტეტის გამგეობაში , საჯარო მოხელეთა შესარჩევი კონკურსი 7 პოზიციაზე, 17 თებერვალს გამოცხადდა, სადაც 99–მა კონკურსანტმა 204 განაცხადი შეიტანა. კონკურსის მეორე ეტაპი, ტესტირება 59 მათგანმა გაიარა. წარმატებით კი, 50% ბარიერი, 35–მა გადალახა.

[ლუბა გიორგაძე, ადიგენი]