პარლამენტმა მართვის მოწმობის 100 ქულიანი სისტემის შემოღებას მხარი I მოსმენით დაუჭირა

საქართველოს პარლამენტის მხარდაჭერილი საკანონმდებლო ცვლილილება მართვის მოწმობის 100-ქულიანი სისტემის და უკონტაქტო პატრულირებას შემოღებას ითვალისწინებს.

ცვლილებების თანახმად, შემოდის მართვის 100 ქულიანი სისტემა, რომლის მიხედვითაც მძღოლს ქულები საგზაო მოძრაობის წესების დარღვევისას შეუმცირდება. ნასვამ მძღოლს მართვის მოწმობა 6 თვის ნაცვლად 1 წლით ჩამოერთმევა.


იმ მძღოლებს, რომლებსაც სამართალდარღვევების გამო ქულების 0-მდე შეუმცირება ავტომობილის მართვის უფლება შეუჩერდება, უფლების მისაღებადკი პირი იძულებული იქნება გამოცდა ხელახლა ჩააბაროს.

კალენდარული წლის განმავლობაში ქულების 0-მდე განმეორებით შემცირების შემთხვევაში სამართალდამრღვევს არ ექნება უფლება გავიდეს მართვის უფლების მისაღებ გამოცდაზე მართვის უფლების შეჩერებიდან 1 კალენდარული წლის გასვლამდე.

კანონპროექტის თანახმად, მართვის მოწმობისთვის მინიჭებული ქულათა სისტემა ამოქმედდება უკვე 2017 წლის 1 ივნისიდან.

[sknews.ge]