ახალციხეში ათი კორპუსის ფასადს შეღებავენ

ახალციხეში, საცხოვრებელი კორპუსების ფასადების სარეაბილიტაციო სამუშაოების საპროექტო-სახარჯთაღრიცხვო დოკუმენტაციის მომზადების უზრუნველყოფაზე, მერიამ ტენდერი, მიმდინარე წლის 31 იანვარს გამოაცხადა.

სატენდერო დოკუმენტაციის მიხედვით, ტენდერში გამარჯვებულმა კომპანიამ, ახალციხეში, 9 აპრილის ქუჩაზე მდებარე ცხრა კორპუსის და კოსტავას ქუჩაზე მდებარე ერთი კორპუსის ფასადის რეაბილიტაციისთვის საპროექტო– სახარჯთაღრიცხვო დოკუმენტაცია უნდა მოამზადოს.

ტენდერი, რომლის შესყიდვის სავარაუდო ღირებულება 8 500 ლარი იყო, 2999 ლარით, ინდივიდუალურ მეწარმე ბეჟან ვარდიძეს აქვს მოგებული. მასთან ხელშეკრულება ხვალამდე, 23 თებერვლამდე უნდა გაფორმდეს.

საპროექტო დიკუმენტაციის მომზადების შემდეგ გამოცხადდება ტენდერი უკვე უშუალოდ სამუშაოების შემსრულებლის გამოსავლენად.

სატენდერო დოკუმენტაციის მიხედვით, რეაბილიტაცია უნდა ჩაუტარდეს 9 აპრილზე: №1, №2, №4, №5, №6, №7, №9, №12, №13, და კოსტავას ქუჩის №77 კორპუსს.





[თინათინ ზაზაძე, ახალციხე]