„ევროპული საქართველო“ სამცხე–ჯავახეთში რაიონულ ორგანიზაციებს აფუძნებს

„ვხვდებით საინიციატოვო ჯგუფებს მოვისმენთ რა პრობლემებია რეგიონში,იმიტომ რომ მთავარი ამოსავალი ჩვენი მუშაობის, გახლავთ სწორედ პრობლემების მოსმენა და გადაწყვეტის გზების დასახვა. ჩვენ გვინდა მოსახლეობას ვაჩვენოთ, რომ საქართველოში შესაძლებელია უკეთ ცხოვრება. შესაძლებელია, რომ ქვეყანაში იყოს ის პოლიტიკური ძალა, რომელიც ცოდნით, კომპეტენტურობით და სიმშვიდით ქვეყანას წაიყვას წინ და ხალხს აცხოვრებს უკეთესად, ეს არის ჩვენი ამოცანა“, – განაცხადა დავით ბაქრაძემ.

მისივე თქმით, „ევროპულ საქართველოს“ ფრაქცია ექნება ახალციხის თემში, ქალაქ ახალციხისა და ადიგენის მუნიციპალიტეტის საკრებულოებში.

ახლადშექმნილი პარტიის გენერალური მდივნის, გიგი უგულავას განცხადებით, რაიონული ორგანიზაციების ჩამოყალიბების შემდეგ, დასახავენ სტრატეგიას ადგილობრივ თვითმმართველობის არჩევნებში გასამარჯვებლად.

„ამ არჩენევის შემდეგ განსაკუთრებით იბარტყა მინი ოლოგარქებმა, რომლებიც ხალხის ხარჯზე ცხოვრობენ. მთელი სახელმწიფოებრივი ბიუროკრატია ესახურება მათ და მათ ნათესავებს და პარტიულ აქტივისტებს. ჩვენი ამოცანაა ყველა ასეთ კორუმპირებულ ფეოდალად ჩამოყალიბებულ ადამიანს მიწა ფეხქვეშ ეწვოდეს.სამცხე–ჯავახეთში ჩვენ ძალიან ძლიერად ვართ წარმოდგენილი, ყველაფერს გავაკეთებ იმისათვის რომ ადგილობრივ არჩევნებზე დავიწყოთ აგურაგურ დაშლა იმ ოლიგარქიული სისტემის, რომელიც საქრთველოშია ჩამოყალიბებული“, – განაცხადა გიგი უგულავამ.

„მოძრაობა თავისუფლებისთვის – ევროპული საქართველოს“ წარმომადგენელს ვაჟა ჩიტაშვილს იმედი აქვს, რომ „ნაციონალური მოძრაობის“ მხარდამჭერების უმრავლესობა მხარს მათ დაუჭერს.

„ფაქტობრივად დღეს იწყება სტრუქტურის მშენებლობის საკითხები. ჩვენი მხარდამჭერების უმრავლესობაა მოსული. შევთავაზებთ ჩვენს გეგმას ქვეყნის განვითარებაზე, ვფიქრობთ ამომრჩეველების უმრავლეობა ჩვენს გვედით გადმოვა და მხარს დაგვიჭერს“, – განაცხადა ვაჟა ჩიტაშვილმა.

შეგახსენებთ, რომ „მოძრაობა თავისუფლებისთვის – ევროპული საქართველოს“ ლიდერები მსგავს შეხვედრებს ქვეყნის მასშტაბით მართავენ. „ნაციონალური მოძრაობიდან“ გასულმა გუნდმა პოლიტიკური პარტია "მოძრაობა თავისუფლებისთვის - ევროპული საქართველო" 30 აინვარს დააფუძნა.





[sknews.ge]