რამდენით და რომელ პედაგოგებს ემატებათ ხელფასი იანვრიდან

საჯარო სკოლის პედაგოგებს, რომლებსაც საგნობრივი გამოცდა ჩაბარებული აქვთ ხელფასები იანვრიდან მოემატებათ.

სქემით განსაზღვრული შესაბამისი სტატუსის დანამატის სრული ოდენობა:
ა) უფროსი მასწავლებლისათვის განისაზღვრება 320 ლარით;
ბ) წამყვანი მასწავლებლისათვის განისაზღვრება 500 ლარით;
გ) მენტორის სტატუსის მქონე მასწავლებლისათვის განისაზღვრება 700 ლარით.

ადიგენის საგანმანათლებლო რესურსცენტრის ინფორმაციით, მუნიციპალიტეტის მასშტაბით არსებული 532 პედაგოგიდან დანამატს მხოლოდ 76 მიიღებს.

„76–ვე უფროსი მასწავლებელია. როგორც ვიცი მენტორი მასწავლებელი რეგიონშიც არ გვყავს“, – განმარტა ადიგენის საგანმანათლებლო რესურსცენტრის უფროსმა ინგა ბოჭორიშვილმა.

[თინათინ ზაზაძე, ახალციხე]