პროტესტის მეორე დღე მოხეს სკოლაში [Video]

ორი დღის განმავლობაში, მოხეს სკოლის, 70–მდე მუსლიმი მოსწავლე, საგაკვეთილო პროცესებს პროტესტის ნიშნად არ ესწრებოდა. მოსწავლეები დირექტორის, ნათია რეხვიაშვილის მხრიდან მუსლიმი გოგონასთვის თავსაბურავის მოხდის მითითებას აპროტესტებდნენ. მოსწავლეები ამბობდნენ, რომ ამ ქცევით დირექტორმა მუსლიმი აღმსარებლობის მოსწავლეებს შეურაცხყოფა მიაყენა, ეს მათი დისკრიმინაცია იყო და ამიტომ, მომხდარით განათლების სამინისტრო უნდა დაინტერესდეს.

პროტესტის მეორე დღეს, მოხეში საქართველოს პრეზიდენტის მრჩეველი ეთნიკურ და რელიგიურ უმცირესობათა საკითხებში, სოფიო შამანიდი და საქართველოს განათლების სამნისტროს აუდიტის დეპარტამენტის წარმომადგენლები მივიდნენ. ისინი შეხვდნენ მოსწვალეებსაც და სკოლის ადმინისტრაციასაც.

სწორედ ამ შეხვედრების შემდეგ გადაწყვიტეს მოსწავლეებმა, პროტესტი შეეწყვიტათ. ხვალიდან, 28 დეკემბრიდან, მოხეში სასწავლო პროცესი ჩვეულ რეჟიმში გაგრძელდება.



[თამუნა უჩიძე, ოთარ აწყურელი, ადიგენი]