ახალციხის მერია შეიძენს მანქანას, რომელიც ქალაქის ქუჩებს დაგვის

ახალციხის მერის ვლადიმერ ზედგინიძის განმარტებით შპს „კეთილმოწყობის“ სამსახურისთვის ისეთ მანქანას ყიდულობენ ,რისი საშუალებითაც ქალაქის ქუჩებს დაასუფთავებენ. ტექნიკის შესაძენად 160 000 ლარია გათვალისწინებული.

„160 000 ლარად შევიძენთ მანქანას, რომელიც დაგვის ქალაქს და მტვერს შეისრუტავს. ეს იყო ჩემი ოცნება და მე მგონი ამ ოცნებას ავისრულებ“, – ამბობს ქალაქის მერი.

გარდა აღნიშნულისა, მომავალი წლიდან შპს „კეთილმოწყობის“ სამსახურს დამატებით ორი ნაგამზდიც ეყოლება.

ორი ნაგავმზიდისა და 100 ურნის შესაძენად ადგილობრივი თვითმმართველობა 10 წლიან სესხს იღებს.

„ორი მანქანის და 100 ურნისთვის 174 176 ევროა გათვალიწინებული. ამ თანხიდან 3 1 964 ევროს გრანტის სახით მივიღებთ“, – განმარტავს ქალაქ ახალციხის საკრებულოს თავმჯდომარე დავით ლომიძე.

[თინათინ ზაზაძე, ახალციხე]