რომელ ქუჩებს მოაწესრიგებს მერია მომავალ წელს 4 მლნ–მდე ლარით

ქალაქ ახალციხის მუნიციპალიტეტის საკრებულოს თავმჯდომარის, დავით ლომიძის განმარტებით, 2017 წლის ბიუჯეტის პროექტში ინფრასტრუქტურული პროექტების განსახორციელებლად, 1.644.000 ლარია გათვალისწინებული.

ამ თანხით შემდეგი ქუჩების მოასფალტება იგეგმება:

► კოსტავას ქუჩაზე ტრორუარებისა და N41, N43, და N45 ბინების ეზოების მოსაწესრიგებლად გათვალიწინებულია – 240 000 ლარი;
► ვაჟა ფშაველას ქუჩის რეაბილიტაცია – 125 000 ლარი;
► ჭყონდიდელის ქუჩის რეაბილიტაცია – 200 000 ლარი;
► გვარამაძის ქუჩის რეაბილიტაცია (მესამე ეტაპი) – 155 000;
► სულხან– საბას, მეგობრობის, კეცხოველის და ნინოშვილის ქუჩების რეაბილიტაცია – 203 000 ლარი;
► შალვა ახალციხელის, გამრეკელის და ილია მართლის ქუჩები – 194 000 ლარი;
► რუსთაველის N105, N99, კოსტავას N165 ეზოების და სკვერების კეთილმოწყობა –200 000 ლარი;
ქუჩების მოვლა–შენახვა – 180 000 ლარი;

ინფრასტრუქტურული პროექტებითვის იქნება გათვალიწინებული 147 000 ლარი, რომელიც წელს მუნიციპალური განვითარების ფონდიდან დაფინანსების შემდეგ დარჩა.

რეგიონებში განსახორციელებელი პროექტების ფონდიდან 2 250 000 ლარია გამოყოფილი, რომელიც შემდეგი ქუჩების მოწესრიგებას მოხმარდება:

► გორგასალის, ზედგინიძის, მესხეთის, სამსონიძის და ბაგინაშვილის ქუჩების რეაბილიტაციისთვის გათვალიწინებულია – 650 000 ლარი;
► ე.წ ბოშა მაილას დასახლებაში დარჩენილი ქუჩების რეაბილიტაციისთვის დაიხარჯება – 750 000 ლარი;
► საბარგო სადგურის დასახლებაში ქუჩების მოასფალტებისთვის გათვალიწინებულია – 650 000 ლარი;
► 200.000 ლარი, რომელიც რეგიონებში განსახორციელებელი პროექტების ფონდიდან გამოიყო, შალვა ახალციხელის, გამრეკელის და ილია მართლის ქუჩების რეაბილიაციას მოხმარდება. (ჯამში აღნიშნული ქუჩების რეაბილიტაციისთვის 2017 წელს ადგილობრივი ბიუჯეტიდან და სახელმწიფო დაფინანებით 394 000 ლარი დაიხარჯება– ს.კ).

[თინათინ ზაზაძე, ახალციხე]