ახალციხის გამგეობაში ბიუჯეტის პროექტი მცირე შენიშვნებით დაბრუნდა

ახალციხის მუნიციპალიტეტის გამგებლის, ზაზა მელიქიძის განმარტებით საკრებულოს ბიუჯეტის განხილივის დროს ბევრი შენიშვნები არ ყოფილა. ის მოთხოვნები კი რომლებიც ადგილობრივ მოსახლეობას გააჩნდა ბიუჯეტში უკვე გაწერილი ქონდათ.

„ჩვენ მოსახლეობასთან შეხვედრების დროს გათვალიწინებული გვქონდა ეს საჭირბოროტო საკითხები და შესაბამისად ბიუჯეტშიც ავსახეთ. ჩვენი ბიუჯეტი ძირითადად აგებულია ინფრასტრუქტურაზე, ადმინისტრაციული ხარჯები არ გაზრდილა“, – ამბობს ზაზა მელიქიძე.

ადგილობრივ თვითმმართველობაში განმარტავენ, რომ მომავალი წლის ბიუჯეტში ხარჯები გაზრდილია სკოლამდელი აღზრდის დაწესებულებათა გაერთიანებისთვის, რადგან 2014 წლის მდგომარეობის მუნიციპალიტეტში 8 ბაგა–ბაღი იყო, 2017 წლისთვის კი მათი რაოდენობა 20–მდე გაიზრდება.

დაფინანსება გაეზარდა ააიპი „მელიორაციას“, რადგან კომპანიას სასმელი წყლის მოვლა–პატრონობაც დაევალა, ასევე გაიზარდა სატუმბი სადგურების რაოდენობაც.

საკრებულოს ერთერთი რეკომენდაცია, რომელიც უსაფრთხოების მიზნით, ცენტრალურ ქუჩებზე სათვალთვალო კამერების დამონტაჟებას გულისხმობდა, გამგეობამ გაითვალიწინა და თანხა ბიუჯეტში გაწერა კიდეც.

შეგახსენებთ, რომ ახალციხის მუნიციპალიტეტის ბიუჯეტი პროექტის მიხედვით, 6.320.000 ლარია.

ახალციხის მუნიციპალიტეტის გამგეობა 2017 წლის ბიუჯეტის პროექტის შესწორებულ ვარიანტს დასამტკიცებლად 10 დეკემბრამდე გადაუგზავნის.

[თინათინ ზაზაძე, ახალციხე]