მოხელი მუსლიმების საჯარო მიმართვა მთავრობას [Photo]

მოხეში მცხოვრებმა მუსლიმებმა, იმ კომისიას, რომელიც რელიგიის საქმეთა სახელმწიფო სააგენტოსთან შეიქმნა და რომელსაც შენობის წარმომავლობა უნდა დაედგინა, უნდობლობა დღეს, 25 ნოემბერს, საჯაროდ გამოუცხადეს. ღია ცის ქვეშ აღვლენილი პარასკევის ლოცვის შემდეგ, მუსლიმებმა საჯარო მიმართვა წაიკითხეს.









„ჩვენ, მუსლიმი თემი, ვითხოვთ ისტორიული საკულტო–ნაგებობის სამართლებრივი ბედის სამართლიან გადაწყვეტას და მის დაბრუნებას ისტორიული მესაკუთრისათვის“, – ნათქვამია მიმართვაში.



მოხის მუხლიმმა თემმა, საქართველოს მთავრობასა და პრემიერ–მინისტრს მიმართა, ვიდრე არ მოწესრიგდება ისტორიული შენობების რესტიტუციის პრობლემა, მოხის მეჩეთის ისტორიული მესაკუთრისათვის დაბრუნების თაობაზე პასუხისმგებლობა თავად აიღონ.



„ჩვენ მოვითხოვთ მთვრობისაგან აღნიშნულ საკითხზე, უმოკლეს ვადაში, სამართლიანი გადაწყვეტილების მიღებას“, – აცხადებენ მუსლიმები.









"ვიდრე შენობის ბედი არ გაირკვევა, იქამდე გამოვალთ და ღია ცის ქვეშ ვილოცებთ“ – ამბობენ მოხეში მცხორები მუსლიმები.





[თაკო ფეიქრიშვილი, ოთარ აწყურელი, ადიგენი]