მესამე დღეა ახალციხეში, რამდენიმე ქუჩას, გაზი შეზღუდვებით მიეწოდება

ადგილობრივები ამბობენ, რომ გაზის წნევა ჯერ ეცემა, შემდეგ კი სულ ითიშება.

„რაღაც ნაწილია, რომელიც ზამთრის პეროდში ყოველთვის ფუჭდება. გუშინაც მოხსნეს და დააყენეს, მაგრამ ღამე ისევ გაითიშა. ცხელ ხაზზე დავრეკეთ მეზობლებმა და არ გვპასუხობენ. მესამე დღეა ასეთ დღეში ვართ“, – ამბობს თამარაშვილის ქუჩაზე მცხოვრები ნანა გელაშვილი.
მსგავსი ვითარებაა თამარაშვილის და ივერიელის ქუჩების მიმდებარე უბნებშიც.

კომპანია „ინტერგაზში“ აცხადებენ, რომ შეფერხების მიზეზი სიცივეს უკავშირდება.

„გაზის მილი სითბოსა და სიცივეში კონდენსაციას განიცდის. შესაბამისად, შიგნით მთელი წლის განმავლობაში წვეთობით წყალი გროვდება, გაიყინა და ვცვლით რეგულატორებს“, – ამბობს კომპანიის ხელმძღვანელი ვასილ აბულაძე.

მისივე თქმით, აღნიშნულ ქუჩებს გაზის მიწოდება დღის ბოლომდე აღუდგებათ.

[თინათინ ზაზაძე, ახალციხე]