ახალციხეში გაზის მიწოდება ნაწილობრივ აღდგა

"10:00 საათზე გაზი უკვე ქალაქში ჩართული იყო. ნელ–ნელა იტვირთება და ივსება მილი, შეივსება, წნევა დაიწევს და მერე ნელ–ნელა ჩაირთვება ყველგან. ახლა ქალაქში გაზი არის", – ამბობს ვასილ აბულაძე.

როგორც კომპანია "ინტერგაზის" ცხელი ხაზის ოპერატორმა 'სამხრეთის კარიბჭეს" ერთ–ერთ თანამშრომელს განუმარტა, ზოგ დასახლებაში შესაძლოა ტექნიკური პრობლემები იყოს, ინკასატორები ადგილებზე მივლენ და შეამოწმებენ.

შეგახსენებთ, ახალციხეში გაზის მიწოდება გუშინ, საღამო, ავარიის გამო შეწყდა. ვასილ აბულაძის განმარტებით, ახალციხე–ახალქალაქის გზის დასაწყისში, რესტორან 'რომანტიკასთან' ერთ–ერთმა ადგილობრივმა ტრაქტორით მიწისქვეშა ქსელი დააზიანა. ქალაქს ბუნებრივი აირის მიწოდება ამის გამო შეუწყდა. გაზის გარეშე, მთელი ღამის განმავლობაში, ქალაქში 6500 აბონენტი იყო.

[sknews.ge]