’წნევის წამლები ხალხს ჯიბით დააქვს’ [Video]

ახალციხეში ამბობენ, რომ მაღალი არტერიული წნევა ყოველ მესამე ადამიანს აწუხებს. უბრალოდ, ბევრი პრობლემას სერიოზულად არ აღიქვამს, ექიმთან მისვლას აფთიაქში ფარმაცევტის კონსულტაცია ურჩევნია და საჭირო წამლები ჯიბით დააქვს.

ექიმები კი ამბობენ, რომ ჰიპერტენზია სახუმარო დაავადება არ არის. რადგან ყველა ადამიანი ინდივიდუალურია, ახლობლის რჩევით მკურნალობა ყოვლად დაუშვებელია და ექიმთან ვიზიტი აუცილებელია.



ინტერნეტ-გამოცემა ”ნეტგაზეთის” ინფორმაციით, ჯანდაცვის მსოფლიო ორგანიზაციის მონაცემების მიხედვით, საქართველო არტერიული წნევის გავრცელების სიხშირით მოწინავე ქვეყანათა პირველ ხუთეულშია.

მსოფლიოში მაღალი არტერიული წნევა გულ-სისხლძარღვთა დაავადებების ჩამოყალიბებისა და სიკვდილის გამომწვევ უპირველეს მიზეზად რჩება. მაღალი არტერიული წნევა და მისი მიზეზით გამოწვეული გართულებები იმაზე მეტ ადამიანს კლავს, ვიდრე სხვა დაავადებები ერთად აღებული.

[ნინო ზედგინიძე, ახალციხე]