მასწავლებლებს საგამოცდო ბარათების ამობეჭდვა უკვე შეუძლიათ

აპლიკანტებს ბარათების ამობეჭვდა შეუძლიათ ვებგვერდზე: online.naec.ge

ბარათზე მითითებულია მონაწილის პირადი ინფორმაცია, საგამოცდო ცენტრის მისამართი, გამოცდის დღე და საგამოცდო ცენტრში გამოცხადების დრო.

ბარათის ამობეჭდვის დეტალური ინსტრუქცია:

▶ აპლიკანტი რეგისტრაციის დროს გამოყენებული ელექტრონული ფოსტის მისამართითა და ცენტრის მიერ გაგზავნილი ხუთნიშნა კოდით შედის პირად გვერდზე (რომელზეც გაიარა რეგისტრაცია, აირჩია ჩასაბარებელი საგანი და ა. შ.) იყენებს ღილაკს - „დაბეჭდეთ ბარათი“;

▶ მნიშვნელოვანია, რომ ბარათზე მითითებული ყველა ინფორმაცია დაიბეჭდოს მკაფიოდ, ხარვეზების (წყვეტის, ლაქებისა და ა. შ.) გარეშე. ბარათის ამობეჭდვა აპლიკანტებს შეუძლიათ შავ-თეთრად სტანდარტულ თაბახის ფურცელზე (A4).

საგამოცდო ბარათი პირადობის დამადასტურებელ დოკუმენტთან ერთად იქნება ყველა აპლიკანტის საშვი მთელი საგამოცდო პროცესის განმავლობაში და მისი ამობეჭდვა შესაძლებელია ნებისმიერ დროს გამოცდების დასრულებამდე.

ტესტირებისათვის 26 600-ზე მეტი აპლიკანტი დარეგისტრირდა. მთელი საქართველოს მასშტაბით რვა ქალაქში 13 საგამოცდო ცენტრია გახსნილი. მათ შორის ერთი ახალციხეში, პირველ საჯარო სკოლაშია.

ტესტირება ორ ნოემბერს დაიწყება და რვა ნოემბერს დასრულდება. ცენტრი შეახსენებს აპლიკანტებს, რომ მნიშვნელოვანია ყველა მონაწილე დროულად გამოცხადდეს საგამოცდო ცენტრში პირადობის დამადასტურებელი დოკუმენტითა და საგამოცდო ბარათით. სურვილის შემთხვევაში, აპლიკანტს შეუძლია, თან იქონიოს გელიანი (ე. წ. ტუშის) შავი ფერის კალამი, 0,5-0,7 მმ. ბურთულიანი წვერით და წყალი პლასტმასის ბოთლით.

[sknews.ge]