კურორტ აბასთუმანში საცხოვრებელი სახლი იწვის [Photo/Video]

ხანძარი ფალიაშვილის ქუჩაზე, ე.წ. როშის დასახლებაში მდებარე ერთ–ერთ საცხოვრებელ სახლს გაუჩნდა. სახლში, რომელიც ხის მასალითაა ნაშენი, რამდენიმე ოჯახი ცხოვრობს. ამ ეტაპზე დაზარალებულების შესახებ ინფორმაცია არ ვრცელდება.

"იწვის სახლი, რომელიც ხმელი ხისგანაა გაშენებული. შენობა ისტორიულია, მეხანძრეები ცდილობენ ცეცხლის ჩაქრობას, მაგრამ შენობა თითქმის დამწვარია. ამ დროისთვის იქ ოთხი ოჯახი ცხოვრობდა. შეიძლება ითქვას, რომ ეს ოჯახები უსახლკაროდ დარჩნენ და შევეცდებით გამოვუძებნოთ თავშესაფარი", – ამბობს აბასთუმნის რწმუნებული მამუკა ფირანიშვილი.

მისივე თქმით, ხანძარი ღუმელის საკვამურიდან გაჩნდა და მთელს შენობას მოედო.

საქართველოს შინაგან საქმეთა სამინისტროს ინფორმაციით, მომხდარზე ძიება სისხლის სამართლის კოდექსის 187–ე მუხლის მე–2 ნაწილით დაიწყო, რაც გულისხმობს ნივთის დაზიანებას ან განადგურებას. დანიშნულია ექსპერტიზა.














[sknews.ge]