არჩევნების მეორე ტურის თარიღი 27 ოქტომბრამდე დასახელდება

არჩევნების მეორე ტური კენჭისყრის დღიდან არა უგვიანეს 25-ე დღისა უნდა გაიმართოს, ბოლო ვადა 2 ნოემბერია.

ცესკოში განმარტავენ, რომ ამ ეტაპზე საოლქო-საარჩევნო კომისიებში საჩივრების განხილვის პროცესი მიმდინარეობს.

შეგახსენებთ, რომ მეცხრე მოწვევის საპარლამენტო არჩევნები 8 ოქტომბერს გაიმართა.

ცესკოს ბოლო მონაცემებით ქვეყნის მასშტაბით, 3 702 უბნიდან მიღებული შედეგების მიხედვით, საარჩევნო ბარიერი სამმა პარტიამ გადალახა, აქედან 48.67%–ით „ქართული ოცნება“ ლიდერობს. „ერთიანმა ნაციონალურმა მოძრაობამ" ხმების 27,12% მიიღო, ხოლო „პატრიოტთა ალიანსმა" კი - 5%.

[sknevs.ge]