როგორ გადანაწილდება მანდატები – ცესკომ ხმების დათვლა დაასრულა

ცესკოს ბოლო მონაცემებით ქვეყნის მასშტაბით, 3 702 უბნიდან მიღებული შედეგების მიხედვით, საარჩევნო ბარიერი სამმა პარტიამ გადალახა, აქედან 48.67%–ით „ქართული ოცნება“ ლიდერობს. „ერთიანმა ნაციონალურმა მოძრაობამ" ხმების 27,12% მიიღო, ხოლო „პატრიოტთა ალიანსმა" კი - 5%.

მიღებული შედეგები ასე გამოიყურება:

,,ქართული ოცნება“ – 48.67%;
,,ერთიანი ნაციონალური მოძრაობა“ – 27.11%;
,,პარტიოტთა ალიანსი“ – 5.01%.

საქართველოს პარლამენტში, პარტიებისათვის მანდატები შედეგების შესაბამისად განისაზღვრება:

,,ქართული ოცნება“ – 44 მანდატი;
,,ერთიანი ნაციონალური მოძრაობა“ – 27 მანდატი;
,,პარტიოტთა ალიანსი“ – 6 მანდატი.

საერთო ჯამში, მანდატების რაოდენობამ 77 უნდა შეადგინოს, რადგან საქართველოს პარლამენტი 150 დეპუტატისგან შედგება. მათგან 77 პროპორციული სიით არჩეული, 73 კი მაჟორიტარული სისტემით არჩეული უნდა იყოს.

[თაკო ფეიქრიშვილი, ახალციხე]