სოფელ სხვილისში სურსათის მაღაზია გაქურდეს

ახალციხეში, სოფელ სხვილისის ცენტრში მდებარე სურსათის მაღაზიიდან 450–მდე ლარი წაიღეს. როგორც მაღაზიის მესაკუთრე მარიამ პოღოსიანი აცხადებს, მაღაზია სავარაუდოდ გვიან ღამით გატეხეს.

„ღამე დავკეტეთ და წავედით, დილით ჩემი ქმარი მოვიდა, გასაღებით გააღო კარი, შემოვიდა და უჯრა, რომელშიც ფულს ვინახავდით აღარ დახვდა. ფული რაც იყო უჯრიანად წაუღიათ“, – ამბობს მარიამ პოღოსიანი.

იგი შენობის იმ დამტვრეულ ფანჯარას გვიჩვენებს, საიდანაც მისივე თქმით ქურდები შემოვიდნენ: „გისოსები მოხსენს, მერე ლომი ჩაარტყეს ფანჯარას, ჩაამტვრიეს, შემოვიდნენ და ფული გაიტანეს. შესაძლოა სიგარეტი და სხვა რაღაცეებიცაა წაღებული, მაგრამ ჯერ არ ვიცი“.

სამართალდამცავები შემთხვევის ადგილზე ამ წუთებშიც მუშაობენ. როგორც შინაგან საქმეთა სამინისტროში აცხადებენ ძიება სისხლის სამართლის კოდექსის 177–ე მუხლის მეორე ნაწილით დაიწყო, რაც ქუდრობას გულისხმობს.







[თამუნა უჩიძე, ახალციხე]