სოფელ ყვიბისში მაღაზია გაქურდეს

სოფელ ყვიბისში ქურდობა 5 სექტემბერს მოხდა. დაზარალებული ვლადიმერ გელაშვილი ამბობს, რომ ქურდები მაღაზიაში ეზოდან შევიდნენ.

„წინა კარები დაცულია. მეორე კარი, რომელიც ეზოს მხარეს მაქვს ხის არის და ის გატეხეს.ფაქტობრივად სახლში შემოვიდნენ“, – ამბობს ვლადიმერ გელაშვილი.

მისი თქმით, ოთხი წელია მაღაზია აქვს და მსგავსი შემთხვევა არ ყოფილა. ამბობს, რომ მაღაზიიდან მხოლოდ სიგარეტებია წაღებული.

„პოლიცია იყო. ჩემი ორი შვილიც წაიყვანეს და დაკითხეს, მეტი არაფერი ვიცი. ვინ მეტყვის ეჭვმიტანილი ყავთ თუ არა“, – ამბობს ვლადიმერ გელაშვილი.

შინაგან საქმეთა სამინისტროში განმარტავენ, რომ ძიება სსკ–ის 177 მუხლით დაიწყო, რაც ქურდობას გულისხმობს.

[თინათინ ზაზაძე, ბორჯომი]