ახალციხის ცენტრში მაღაზია გაქურდეს - წაღებულია დიდი ოდენობით ოქრო

დღეს, 14 სექტემბერს, დილით, მაღაზიის მეპატრონეს კარი გატეხილი დახვდა. აქ იგი ტანსაცმელსა და ოქროზე ვაჭრობდა.

„აღარაფერი დამიტოვეს, ნოლზე დამსვეს. ქალაქის ცენტრში რომ ამას იზამენ, სხვაგან რას გააკეთებენ წარმომიდგენია“, – ამბობს იგი, თუმცა მიყენებული ზარალის ოდენობას არ ასახელებს.

როგორც ამავე ქუჩაზე მდებარე მაღაზიებში დასაქმებულები აცხადებენ, გატეხილი მაღაზიიდან მხოლოდ ოქროა გატანილი: „ტანსაცმელზე ხელი არ მოუკიდებიათ. ფულიც ჰქონია, თუმცა არც ის წაუღიათ. ოქრო ჰქონდა სეიფში და სულ გატანილია“.

ადგილზე ამ წუთებში ექსპერტ–კრიმინალისტები მუშაობენ. შინაგან საქმეთა სამინისტრომ მომხდარზე ძიება სისხლის სამართლის კოდექსის 177–ე მუხლით დაიწყო, რაც ქურდობას გულისხმობს;






[sknews.ge]