„მრავალეროვანი საქართველოს“ წინასაარჩევნო მონიტორინგის პრეზენტაცია

დღეს, 7 ოქტომბერს, ახალციხეში „მრავალეროვანი საქართველოს“ სამონიტორინგო პროგრამის პირველი შუალედური ანგარიშის პრეზენტაცია გაიმართა. აღნიშნული ორგანიზაცია წინასაარჩევნო პერიოდს 8 აგვისტოდან 18 სექტემბრის ჩათვლით ეთნიკური უმცირესობებით დასახლებულ რეგიონებში სამცხე–ჯავახეთში, ქვემო ქართლსა და კახეთში აკვირდებოდა.

საანგარიშო პერიოდში სამივე რეგიონში გამოვლენილ იქნა: ა) აღსრულებითი ადმინისტრაციული რესურსების სავარაუდო გამოყენების 9 ფაქტი; ბ) აღსრულებითი ადმინისტრაციული რესურსების გამოყენების 2 ფაქტი; გ) ფინანსური ადმინისტრაციული რესურსების სავარაუდო გამოყენების 1 ფაქტი; დ) ინსტიტუციონალური ადმინისტრაციული რესურსების გამოყენების 10 ფაქტი; ე) ინსტიტუციონალური ადმინისტრაციული რესურსების სავარაუდო გამოყენების 2 ფაქტი.

კვლევის მიხედვით, 2016 წელს ნინოწმინდის, ადიგენის, ახალქალაქისა და ახალციხის მუნიციპალიტეტებში ბიუჯეტის ზრდასთან ერთად საგრძნობლად გაზრდილია დანახარჯები ინფრასტრუქტურულ და სოციალური დაცულობის პროექტებზე.

[თამუნა უჩიძე, ახალციხე]