ახალციხეში ნანა ცინცაძის შემოქმედებითი საღამო გაიმართება

ნანა ცინცაძის პოეზიისა და მუსიკის საღამო მესხეთის თეტრში 6 ოქტომბერს, 19:00 საათზე დაიწყება. მასში მონაწილეობას ანსამბლები: „ქართული ხმები“, „ალილო“ და „ჰანგები“ მიიღებენ. ასევე იმღერებენ ქართული ესტრადის მომღერლები – ქეთი გომართელი, ნინო ძოწენიძე, ნანა მესხი, ნათია ქოროღლიშვილი,მარიამ ელიეშვილი, ანი სირაძე, დათო არჩვაძე, გია დავითიანი, ლაშა ღლონტი, მარკუს მეტრეველი და გია ნიკოლაძე.

ღონისძიებისათვის ახალციხის მერიამ ტენდერი 10 800 ლარზე გამოაცხადა. მასში გამარჯვებული ინდ. მეწარმე მანანა ნასიძეა.

როგორც ახალციხის მერიაში ამბობენ, ნანა ცინცაძის შემოქმედებითი საღამო წლის დასაწყისში დაიგეგმა.

„პოეტი ნანა ცინცაძე მისი ცნობადობიდან გამომდინარე შეირჩა. მას ახალციხეზე აქვს შექმნილი ჰიმნი, რომელიც გაჟღერდა ახალციხელობაზე. მის ლექსებზე დაწერილია ბევრი სიმღერა. ეს გეგმიური ღონისძიებაა, წლის დასაწყისშივე ჩასმული იყო“ ,– განმარტავენ მერიაში.

[თაკო ფეიქრიშვილი, ახალციხე]