მაჟორიტარები ახლო ხედით – ბორჯომი–ასპინძა

კახა ბერიძე 1971 წელს, ასპინძაში დაიბადა. 2002-03 წლებში ახალციხის გამგებლის მოადგილის თანამდებობაზე მუშაობდა. 2008-12 წლებში საერთაშორისო სადაზღვევო კომპანია „იმედი-ელის“ ახალციხის ფილიალის დირექტორი იყო. 2016 წელს, პარტიის მიერ კანდიდატად დასახელებამდე, პერსონალიზებული მედიცინის ინსტიტუტში ფინანსური მენეჯერი იყო.

ამირან ტყეშელაშვილი 1954 წელს ბორჯომში დაიბადა. 2003-2013 წლებში იყო შპს „ბორჯომგაზის“ დირექტორი. ასევე მუშაობდა შპს „მზიური ველის“ დირექტორად. ბოლო რამდენიმე წელია „გაერთიანებულ დემოკრატიულ მოძრაობას“ შეუერთდა.

ტარიელ ლონდარიძე დაიბადა 1968 წელს ასპინძაში. იგი 1990 წლიდან 2003 წლამდე ჯერ საბჭოთა, შემდეგ კი საქართველოს შეიარაღებულ ძალებში მუშაობდა. 2003 წლიდან 2012 წლამდე თავდაცვის ეროვნულ აკადემიაში სხვადსხვა პოსტებს იკავებდა, იყო აკადემიის რექტორიც. 2012 წელს იყო თავდაცვის მინისტრის მრჩეველი. 2012-16 წლებში საქართველოს პარლამენტის წევრი.

მარინე გელაშვილი 1968 წელს, ბორჯომში დაიბადა.
იგი ერთადერთი ქალი კანდიდატია სამცხე-ჯავახეთში, მათ შორის ასპინძა-ბორჯომის საარჩევნო ოლქში წარმოდგენილ კანდიდატებს შორის. მარინა გელაშვილი 2013-14 წლებში ბორჯომში, კულტურის სამსახურის უფროსი იყო.

ზურა ხაჩიძე 1979 წლის 3 იანვარს, ბორჯომში დაიბადა. დაამთავრა თბილისის „მეტეხის“ უნივერსიტეტი, იურიდიული ფაკულტეტი. მისი მეორე პროფესია სიმღერასთან არის დაკავშირებული. რაც შეეხება მის სამუშაო გამოცდილებას: ბორჯომის „ბავშვთა ფედერაცია“ (1995-დან 1998-მდე) ;კომპანია, „არტ იმედი“ (2003-დან 2005-მდე); გაერთიანებული ოპოზიციის კანდიდატი ბორჯომის რაიონში (2008 წელი) ;ახალი მემარჯვენეების პოლიტსაბჭოს წევრი (2008-2010 წლები) ; ღვინის კომპანია “შუმის” პიარ მენეჯერი (2005-2006 წლები).

გიორგი გიუაშვილი 1979 წელს, ბორჯომში დაიბადა. იგი ბორჯომში გამგებლის მოადგილე იყო, ბოლო ორი წლის განმავლობაში კი „ლეიბორისტული“ პარტიიდან ბორჯომის მუნიციპალიტეტის საკრებულოს წევრია.

ავთანდილ გონგლაძე ბორჯომში დაიბადა.
იგი 90–იან წლებში ბორჯომის მერი იყო.
„ჩვენის სახალხო პარტიის“ მიერ დეპუტატობის კანდიდატად დასახელებამდე კერძო ბიზნესი ჰქონდა,
მათ შორის პურის საცხობი და რესტორანი.

გივი მჭედლიშვილი ბორჯომში დაიბადა,
იგი 2010 წლიდან ჯერ „ლეიბორისტებთან“,
ახლა კი „მემარცხენე ალიანსში“ აქტიურ პოლიტიკაშია ჩართული.

აკაკი ლეკიშვილი ასპინძაში დაიბადა.
წლების განმავლობაში იგი გარემოს დაცვის სამინისტროში სხვადასხვა თანამდებობებზე მუშაობს.
„ეროვნულ ფორუმს“ ბოლო პერიოდში კანდიდატად დასახელებამდე შეუერთდა.

გედევან ფოფხაძე 1975 წელს, ბორჯომში დაიბადა. იგი 2001-2002 წლებში იყო საქართველოს იუსტიციის საბჭოს კონსულტანტი; 2002-2003წლებში ბორჯომის საკრებულოს თავმჯდომარე; 2003 წელს ბორჯომის მუნიციპალიტეტის გამგებელის თანამდებობას იკავებდა. 2006-2008 წლებში . იყო ბორჯომის მუნიციპალიტეტის საკრებულოს წევრი; 2012-16 წლებში საქართველოს პარლამენტის წევრი.